jueves, 3 de agosto de 2023

GLEO


GLEO
(Colombia) 

GLeo é unha artista visual natural de Colombia. Ela proponnos entender a súa pintura como parte de nós, partindo da premisa de que formamos un todo coa natureza. Centra a súa obra na investigación gráfica na procura dunha linguaxe sensorial universal, na cal o seu traballo sería un punto de inflexión dentro dos espazos que habitamos a cotío. Unha ponte a unha experiencia de contemplación interior.
A súa obra pode atoparse en galerías e paredes de numerosas cidades ao redor do mundo, como Marrocos, Turquía, México, Suecia, Portugal, Ecurador, Brasil, Estados Unidos e España entre moitos outros. Recentemente foi convidada polo Museo Mauritshuis en La Haya (Holanda) pra reinterpretar unha das obras mestras da colección nun mural de gran formato, conmemorando os 200 anos de celebración.
E teremos a sorte de tela nesta 16ª edición do DesOrdes! Do 4 ao 13 de agosto! Pronto máis info! Atentxs!

MR. DIFUZ

 


MR. DIFUZ (Francia)

Seguimos presentádovos o cartaz desta edición! Quenda para MR.DIFUZ (Francia) >> DIFUZ

Difuz comezou a pintar na rúa á temperá idade de 13 anos e Marsella convertiríase na súa cidade de formación, onde funda en 2001 o colectivo Ki Fait Ca? (Quén fai iso?).
Dende 2013 ten participado en grandes eventos na Francia e ao redor do mundo, creando murais a gran escala, expoñendo a súa obra e colaborando con algúns artistas pioneiros nesta disciplina.
O seu traballo céntrase na investigación plástica e conceptual ao redor da condición do ser humano contemporáneo. Un particular universo en constante movimento, dinámico e colorista que se nutre do ritmo da vida do sur de Francia, libre, caprichoso e popular.

ALBA FABRE


 
ALBA FABRE (Cataluña)

Alba Fabre, de educadora social a artista. O seu traballo caracterízase por un estilo figurativo próximo, en ocasións, ao Impresionismo. As súas obras interésanse pola análise da linguaxe e os conceptos da arte clásica, reproducidas nunha pintura onde a forza e a cor son o centro da atención.
Formouse no Programa de Debuxo e Pintura na Barcelona Academy of Art, onde agora mesmo traballa como mestra. Á par, desenvolve a súa obra persoal no seu estudo situado tamén en Barcelona, ademáis das súas intervencións murais en múltiples proxectos e eventos de arte urbana ao redor do mundo.









miércoles, 2 de agosto de 2023

ZANE PRATER






ZANE PRATER (Estados Unidos)

Zane Prater é un artista visual orixinario de Denver, Colorado. Tras formarse como pintor figurativo clásico na Academia de Arte de Barcelona, traballa principalmente co debuxo e a pintura ao tempo que crea instalacións terrestres e murais públicos a gran escala.
O seu traballo une a ilustración botánica, a arte visionaria, o retrato e o deseño para falar da natureza da nosa relación co mundo natural. As súas imaxes enganchan coas narracións mitopoéticas que temos sobre os nosos roles individuais e colectivos nas paisaxes que habitamos, buscando establecer conexións e atopar harmonías entre o urbano e o orgánico.

+ info:
https://www.zaneprater.com/outdoors
https://www.instagram.com/zane.prater/














DOA OA



 DOA OA (Galiza)

Comezamos coas presentacións da vindeira 16 ª edición do DesOrdes! E como non podía ser doutro xeito, comezamos polos da casa!. 😉
DOA OA, é unha das principais figuras do muralismo galego e tamén estatal, cunha extensa traxectoria e ampla experiencia, ten participado en numeros proxectos e e eventos de muralismo e arte urbana ao redor do globo nos últimos anos e é pra nos unha axente rexeneradora do espazo público suuuper necesaria.
Dende moi nova estivo experimentando diferentes técnicas expresivas. Fai xa uns anos descobre a posibilidade de axudar ao reino verde a recuperar o espazo perdido, e é nese momento cando empeza o seu proxecto Reforestando. Pensado por e para a transformación do espazo público a través da arte, mediante intervencións murais “site specific” de temática vexetal.
O motor desta idea é a urxente necesidade de recoñecer e respectar o contorno natural e todo o reino vexetal, así como a importancia de espertar na nosa conciencia a idea de que somos parte dun todo. Con cada intervención mural da serie Reforestando, Doa consegue facer florecer e renacer dun xeito novo a cada espazo no que actúa.
Pronto dirémosovos que parte de Ordes, onde reina o gris e o cemento, fará brotar de novo a nai natureza. 😉
Atentas!
Saúde e cor!